手套初測 - H3 Training 2018
今朝終於試左啦，初步結果係好滿意。
當然試手套一日半日係唔夠，唔係點試清楚啲對手套特性係點。
不過可以講下表面野，首先造工上明顯比H3 Training 2017更加細緻。而且用料上升級左唔少，雖然未可以同Pro 1 相題並論，但完全唔覺得有紙皮嘅感覺。連屠門神都大讚個形靚左好多。佢特別講及呢款Hybrid (半管指剪綵）嘅食指同尾指採用完全Roll Finger剪裁，相比同類剪裁，兩隻較受力嘅手指有更大嘅接觸面積。對接球嘅控制會更加有利。
至於帶落手，手感的確較舊款更加舒適，啲指位貼得黎又唔會迫實啲手指。感受到手型更進一步。而且絕對唔似一對紙皮，如果矇眼帶住，個感覺相對似中階約$400嘅款式。
前前後後今日試左4個鐘，到目前為止係非常滿意。手感進步左之餘連成個款的確高級左。
至於乳膠質素如何，耐唔耐磨等等。比我幫大家試得清楚啲。
#H3SportHK
Search